推荐预测：阿仙奴报仇要小心

阿仙奴报仇要小心

事隔数日再访修咸顿

周三凌晨英超再演修咸顿对阿仙奴好戏，两队上周六喺英足盃交锋，结果半力出击嘅兵工厂以0比1输波出局。事隔数日再喺同一个球场对撼，相信阿仙奴会派遣强阵，回复连续4场联赛零失波嘅「铜牆铁壁」，2.5球入球细值得再追。

先讲客队阿仙奴，佢哋近期喺联赛全面回勇，喺伊美路维、布卡约沙卡等小将刺激下，进攻大为改善，连带奥巴美扬同拿卡锡迪都交到货。虽然兵工厂啱啱喺英足盃出局，但嗰场领队阿迪达留力收起伊美路维同队长奥巴美扬，结果出事，今次转战英超，估计「达Sir」唔会再次轻敌，会用番最强阵容，进袭「圣人」。

至于防守上，「兵工厂」近4场联赛未失1球，洛贺丁、大衞雷斯表现稳定，虽然加比尔马加希斯喺英足盃「摆乌龙」累输波，但嗰场佢係啱啱复出，实在情有可原。相信今仗呢位巴西中坚会踢得更小心，变相令阿仙奴嘅防线更加硬淨。

「圣人」续用稳守突击

另边厢，主队修咸顿今季成绩超乎预期，联赛排名比起阿仙奴更高，「圣人」最大卖点係稳守突击战术，但自从王牌射手丹尼艾格斯先受伤、后隔离，近期再爆出拒绝续约希望离队风波，大大打击入球能力，搞到佢哋近5场联赛只入过1球，好彩稳健防守未有走样，先keep得住喺中游，亦令球队近6场联赛总入球全开2球或以下，预料今仗唔会有改变，捧细盘为明智之选。