专家拆局：狐狸恶爆上盘屈机

今晚英超「2哥」李斯特城主场迎战榜尾屈福特。目前最接近榜首利物浦嘅「狐狸」近况弗到漏，面对岩岩炒领队，处於群龙无首状态嘅屈福特，赢面高唱入云，让1/1.5球照撑上盘。

各项赛事近7仗全胜嘅李斯特城，上轮喺先落后劣势下，下半场急起直追，最终靠占美华迪同伊恩拿祖嘅入波扭转乾坤，2比1反胜爱华顿，开始渗出「夺冠特质」。喺领队罗渣士带领下，「狐狸」今季各方面都有明显提升，表现更胜唔少传统Big 6几条街，难怪早前有记者问佢有冇意思转教阿仙奴时，罗渣士一句「神回」：「呢一刻我的队波咁弗，点会想离队呢？」

屈福特又换帅立立乱

近期英超领队大执位，热刺同阿仙奴先后易帅，屈福特领队科里斯亦冇得留低，上任仅3个月就「落鑊」，呢次亦系「大黄蜂」今季第2次炒教头。球队至今仅得1胜5和8负劣绩，两任主帅固然责无旁贷，不过班波本身战意疲弱先系问题核心，嚟紧无论边个接手，佢的嘅护级任务都会非常艰巨，今晚造访如日中天嘅李斯特城，睇怕难逃被炒厄运，主队上盘咪错过。