摘要：「草皮杀手」阿古路缺阵英超周中开快车，周三凌晨先有联赛榜3哥曼城作客斗般尼；曼城现时落后利物浦11分，要保持争标机会已经再无失分空间，不过哥迪奥拿对上3次领军出战般尼都踢得唔轻鬆，今场仲要冇埋「草皮杀...
「草皮杀手」阿古路缺阵
英超周中开快车，周三凌晨先有联赛榜3哥曼城作客斗般尼；曼城现时落后利物浦11分，要保持争标机会已经再无失分空间，不过哥迪奥拿对上3次领军出战般尼都踢得唔轻鬆，今场仲要冇埋「草皮杀手」阿古路，曼城让球半、两球制唔过，波童建议捧下盘。
自从哥迪奥拿喺16/17球季开始担任曼城领队以来，除左最怕作客利物浦嘅晏菲路球场（联赛4次作客1和3负），纽卡素嘅圣占士公园球场（联赛3次作客1胜1和1负）同般尼嘅草皮球场（联赛3次作客2胜1和）都唔多旺佢，咁岩曼城近3场作客联赛对手正正就系呢3队，连场失分似乎有迹可寻。
哥迪奥拿3征般尼全输盘
单睇数据，哥迪奥拿3次作客般尼未输过表面上唔错，但其实2次赢波分别只系小胜1比0及2比1，过程绝对唔轻鬆，而且呢2场胜仗嘅3个入波，全部都由阿古路包办，呢名阿根廷前锋喺对车路士嘅比赛中伤出，如无意外会继续缺阵，哥迪奥拿焗用加比尔捷西斯攻坚。有睇上场对纽卡素嘅朋友应该会认同，如果唔系加比尔捷西斯把握力差，曼城绝对有权早早领先2、3球，就算史达寧、奇云迪布尼状态几咁弗，前线有呢名「败家仔」喺度，始终畀唔到人大胜信心，加上球队上场两次领先都系短时间之内被追和，后防集中力明显有问题，想保持清白身真系唔容易。
般尼上周末主场净吞水晶宫两蛋，连赢2场后终於输波，不过睇番整场表现般尼并冇走样，射门次数及控球比率都胜过对手，相信对信心影响不大。般尼今季联赛3次斗Big6虽然全部输晒，但喺车路士、阿仙奴身上一共攞到3个入波，而且作客状态大勇嘅李斯特城都系仅输1比2，并非冇还击之力，如以今场曼城让球半、两球盘口去计，般尼对上3次主场斗曼城全部赢盘，以曼城近期表现，呢个下盘绝对值博。
